Hesus sa Krus

 

Hesus sa Krus

Ang Semana Santa ay isang paggunita sa pagpakamatay ni Hesus sa Krus at ang kanyang muling pagkabuhay. Panahon din ito ng pagdarasal, pagsasakripisyo at pagbabago. Panahon ng pagsisisi sa mga nagawang kasalanan, at panahon ng pagwawasto sa ating mga pagkakamali.

Alam niyo ba kung ano ang totoong misyon ng tao dito sa mundo? Ang kasagutan ay makikita sa Pahayag 22:9 “At sinasabi niya sa akin, Ingatan mong huwag gawin iyan: ako'y kapuwa mo alipin at ng iyong mga kapatid na mga propeta, at ng mga tumutupad ng mga salita ng aklat na ito: sumamba ka sa Dios.” Sa madaling salita, huwag sambahin ang mga anghel, sambahin ang Diyos! Huwag sumamba nang walang anuman, sumamba sa Diyos! Huwag kaligtaan ang Diyos o hamakin ang Diyos, sambahin ang Diyos! Ito ang huling kabanata ng Biblia, at ito ang huling tungkulin ng tao: sambahin ang Diyos!. Ang misyon po ng mga tao dito sa mundo ay ang sambahin ang ating Panginoong Diyos pero nangdahil sa diyablo at pagmamanipula nito sa sangkataohan ang mga tao ay naging makasalan at minahal ang mga materyal na bagay dito sa mundo. Nakita nang Panginoong Diyos kung gaano kamakasalan ang mga tao kaya ipinadala niya si Hesus sa sanlibutan upang iligtas ang sangkataohan sa mga kasalanang nagawa. Sa pamamagitan ng pagpapako ni Hesus sa Krus tayo ay nailigtas sa ating mga kasalanan.

Isaisip po nating na hindi lamang sa pagdating nga semana santa tayo ay hihingi ng kapatawaran sa Diyos kundi ito ay gagawin natin sa araw-araw sa pamamgitan nga pagdarasal.